Kvartetten frå Sund folkehøgskule med den noko uvanlege besetninga med tenorsaksofon, cello, gitar og trommer varma opp publikum i Bar Passiar før Espen Berg fortsette med sitt bestillingsverk i salen på Dokkhuset. Cellisten fungerer nokre gonger som bassist og andre gonger som soloinstrument. Å ha med litt uvante instrument i slike jazzbesetningar gir rom for å tenke litt annleis rundt korleis ein komponerer og jobbar med musikk, noko denne gjengen har gjort. Det er musikk med riff, meir frie strekk, samt noko i retning av rocka folkemusikkinspirert afro. Det er tydeleg at jazzlinja på Sund folkehøgskule gir rom for mykje kreativitet. 

Arin Gran - gitar
Åsne Ausen Fossmark - sax
Selma Edwards Granly - cello
Linus Hanem Solvang - trommer